Konkurrenca e fortë në Kinë ka goditur shitjet e tremujorit të tretë të BMW-së dhe Mercedesit, kanë njoftuar të enjten prodhuesit gjermanë të automjeteve luksoze.
Sektori gjerman i veturave po përballet me sfida të shumta, duke filluar nga kostot e larta të prodhimit dhe menaxhimi i kalimit te automjetet elektrike, deri te rënia e kërkesës dhe rritja e konkurrencës nga Kina.
Problemet janë pasqyruar së fundmi nga ulja e kostove në prodhuesin më të madh të automjeteve në Evropë, Volkswagen, e cila po shqyrton mbylljen e fabrikave në Gjermani për herë të parë.
Për tremujorin korrik-shtator, shitjet e BMW ranë 13%, ndërsa Mercedes raportoi një rënie prej 3%.
Bashkimi Evropian kohët e fundit ka vendosur tarifa të larta për automjetet elektrike të prodhimit kinez, duke thënë se ato përfitojnë nga subvencionet e padrejta shtetërore. Pekini e mohon këtë dhe ka kërcënuar me hakmarrje.