Ish-ministri i Jashtëm i Suedisë, Carl Bildt, tha se sulmet ndaj ushtarëve të KFOR-it është gjëja më e keqe që ka ndodhur në Kosovë qe sa kohë.
Duke komentuar pamjet e ushtarëve të KFOR-it të rënë përtoke nga lëndimet e marra gjatë protestave, Bildt tha se militantët serbë po kryejnë këto sulme, shkruan gazeta online Reporteri.net.
I njëjti bëri thirrje për de-eskalim të situatës.
“Cikli i përshkallëzimit të situatës duhet të ndalet sa më shpejt”, shkroi ai.
Nga përballja me protestues serbë në veri të Kosovës mbetën të lënduar 25 pjesëtarë të njësisë ushtarake të NATO-s.
Ky sulm u dënua nga vetë NATO, SHBA-ja, BE-ja dhe akterë të tjerë ndërkombëtarë të cilët bënë thirrje publike që Kosova dhe Serbia t’i tejkalojnë këto tensione e të përqendrohen në dialog.