Sekretari i Shtetit Antony Blinken u bashkua me Ministrin e Jashtëm të Ukrainës Dmytro Kuleba për një vakt në McDonald’s gjatë një vizite të paparalajmëruar dyditore në Kiev, ku Kuleba bëri shaka për kurën e tij kur ishte i dehur.
“Kur isha student, ushqimi im më i mirë për hangover (dehje) ishte në fakt të shkoja në McDonald’s”, tha Kuleba ndërsa hante një pite me qershi. Blinken qeshi, duke thënë se ishte i sigurt se bënte vaki rrallë.
“Shumë e rrallë, sigurisht”, tha Kuleba.
“Unë shkoja në McDonald’s dhe porosisja një dopio cheeseburger, një Cola të madhe dhe ky do të ishte mëngjesi im i hangover.”
“Kjo nuk më ka ndodhur kurrë”, tha Blinken ndërsa hante patate të skuqura.
“When I was a student, my best hangover food was actually to go to @McDonalds … I would go to McDonalds and buy double cheeseburger, big Coke, and that would be my hangover breakfast”
— Ukraine foreign affairs minister @DmytroKuleba @SecBlinken – “That never happened to me” pic.twitter.com/UiMoiRCgjC
— Howard Mortman (@HowardMortman) September 6, 2023
McDonald’s ndërpreu punën në të gjitha 850 pikat në Rusi në mars 2022, menjëherë pas pushtimit në shkallë të plotë të Ukrainës. McDonald’s filloi rihapjen e disa prej restoranteve të tij në Ukrainë në gusht të vitit 2022 pasi zinxhiri i ‘fast-food’ u tërhoq për shkak të dëmtimit të rëndë të ekonomisë nga lufta dhe ndikimit të bizneseve. Kuleba i dha merita Blinken-it për ndihmën që dha në hapjen e biznesit perëndimor në Ukrainë.
Blinken zbriti në kryeqytetin ukrainas disa orë pasi Rusia nisi sulmin e saj të parë raketor në këtë javë kundër Kievit. Një sulm ushtarak goditi një treg të hapur në Ukrainën lindore të mërkurën, duke vrarë e plagosur njerëz, thanë zyrtarët.
Shtetet e Bashkuara pritet të njoftojnë 1 miliard dollarë financim për Ukrainën, ndërsa presidenti Joe Biden ka kërkuar më shumë se 20 milionë dollarë ndihmë ushtarake dhe humanitare për vendin, por mbetet e paqartë se sa fonde do të miratohen.