Britania e Madhe vendosi sot sanksione ndaj 22 zyrtarëve rusë për shkak të mbështetjes së tyre për mobilizimin e pjesshëm.
Kështu, Britania shtoi në listën e të sanksionuarve zëvendëskryeministrin e Rusisë dhe ministrin e Industrisë dhe Tregtisë Denis Manturov, drejtorin e Shërbimit Federal Penal dhe Korrektues Arkady Gostev dhe presidenten e Komisionit Qendror të Zgjedhjeve Ela Pamfilova.
Ministria e Punëve të Jashtme të Britanisë së Madhe njoftoi sanksionet e vendosura ndaj Denis Manturov sepse ai ishte “përgjegjës për mbikëqyrjen e industrisë ruse të armëve dhe për pajisjen e trupave të mobilizuara”.
Në njoftim thuhet se kundër Pamfilova dhe presidentit të Komisionit Zgjedhor të Rajonit të Rostovit, Andrey Burov u vendosën sanksione për shkak se ata organizuan referendume në republikat e vetëshpallura popullore të DPR dhe LNR dhe në Kherson dhe Zaporozhye, dhe gjithashtu thuhet se Pamfilova që atëherë ka mbështetur aktivisht mobilizimin e detyruar të Rusisë.