Konfliktet verbale mes pjesëmarrësve në trafik nuk janë të rralla në vendin tonë dhe shpesh përcillen edhe me incidente. E në këto raste ndodh që të përfshihen edhe zyrtarët policorë, të cilët hasin në telashe gjatë kryerjes së detyrave zyrtare.
Në prangat e Policisë ka përfunduar dje edhe një burrë në fshatin Trudë të Prishtinës, pasi dyshohet se i njëjti ka kërcënuar një zyrtar policor.
Burimet kanë bërë me dije se shkak për këtë është bërë një mosmarrëveshje në komunikacion, çka ka bërë që polici të marrë masa she i dyshuari të arrestohet.
Me urdhër të prokurorit, pas përfundimit të procedurave policore, Prokurori i Shtetit ka urdhëruar që ndaj 47-vjeçarit të iniciohet rasti ‘Kanosje’.