Policia e Kosovës ka njoftuar se në fshatin Banjskë të Zveçanit një grua dhe burri i saj janë kanosur në vazhdimësi nga tre persona të dyshuar.
Rasti është raportuar dje në Policinë e Kosovës.
Lidhur me këtë nga Prokuroria Themelore e Mitrovicës kanë njoftuar se janë intervistuar ankuesit dhe një person i dyshuar.
Kështu ka thënë zëdhënësi i kësaj prokurorie, Valon Preteni.
“Janë intervistuar ankuesit si dhe një person i dyshuar, si dhe pritet intervistimi i palëve tjera të përfshirë, dhe janë duke u ndërmarrë veprime hetimore për tu zbardhë në tërësi ky rast”, ka thënë Preteni.
Me vendim të prokurorit, rasti vazhdon të trajtohet në procedurë të rregullt.