Zyra e Rregullatorit për Energji (ZRrE) ka propozuar një rritje prej rreth 15% të çmimit të energjisë elektrike në Kosovë, e cila pritet të hyjë në fuqi muajin e ardhshëm.
Në Debat Plus, Besnik Shabiu nga grupi “Asnjë cent ma shumë” kritikoi vendimin, duke theksuar se rritja e çmimit të rrymës ka qenë e vazhdueshme gjatë viteve të fundit.
“Jemi dëshmitar që çmimi në Kosovë për katër vite është rritur 126 për din, çmimi i energjisë elektrike. Në bazë të ekspertëve të ekonomisë këtë informatë që e kam marrë prej Edison Jakurtit, që ka qenë zëvendësministër në Qeverinë Kurti I, e ka bërë një paraqitje dhe kam komunikuar me të që, rritja 15 për qind e çmimit të rrymës sipas mesatares që ka nxjerrë ai, do të thotë rritje 12 për qind te të gjitha produkteve ushqimore dhe të tjerave.
Në anën tjetër kemi të bëjmë me një analizë, me një mos analizë realisht, me një mungesë të debatit me qytetarin me grupet e interesit. Çka ka bërë ZRrE-ja është fatkeqësi, që brenda një periudhe të shkurt, jo që i ndryshon vendimet, zgjatet afatet për biznese, njëherë kërkon kërkesa absurde prej bizneseve, mandej kur rritet presioni, e njëjta e ka zgjat afatin e kërkesës për biznese, e kanë shtyrë për dy muaj dhe e kanë reduktuar numrin e dokumenteve. Kaq serioze është ZRrE-ja”, ka thënë Shabiu.