Teksa fliste rreth pikturës që u shfaq në sallën e gjyqit, dëshmitari amerikan Jock Covey, tregoi se Hashim Thaçi kishte marrëdhënie të ndërlikuar me komandantët e UÇK-së.
Pos kësaj, ish-zëvendësi i Bernard Kouchnerit tregoi se komandantët e UÇK-së në terren, kishin shfaqur mungesë respekti ndaj tij.
“Jo, ai nuk la ndonjë përshtypje në atë kohë, nuk mori pjesë. As nuk kishte kërkuar që të bënte një gjë të tillë”, tha Covey në pyetjen nëse Thaçi kishte marrë pjesë në takime.
“Më kujtohet qartë sepse në fakt dukej sikur po konfirmonte fuqishëm atë që besonim që në fillim, pra që Thaçi kishte një marrëdhënie të ndërlikuar me komandantët në terren, me komandantët e UÇK-së dhe se ata kishin pak kohë ose më mirë thënë, kishin shfaqur mungesë respekti ndaj tij, pra nuk kishin respekt ndaj tij, në këtë rast pra, kur shohim këtë vizatim”, u shpreh dëshmitari.