Një numër njerëzish raportohet të jenë vrarë në një sulm me thikë në qytetin perëndimor gjerman të Solingen, thonë mediat lokale.
Gazeta Bild shkruan se një burrë goditi rastësisht kalimtarët gjatë një festivali në qendër të qytetit të premten në mbrëmje, ku si pasoj¡ u plagosën edhe disa persona.
Sulmuesi dyshohet se është larguar nga vendi i ngjarjes, ndërsa policia ka nisur hetimet. Po ashtu, helikopterët e policisë janë parë duke fluturuar mbi qytet, transmeton BBC News.
Sulmi ndodhi gjatë festivalit që shënon 650 vjetorin e Solingenit.
Autoritetet e qytetit kërkuan që njerëzit të largoheshin nga zona dhe policia aktualisht po vendos kordone sigurie.
Ekipet e emergjencës në vendngjarje janë duke i trajtuar të plagosurit.