Shikuesit e pranishëm në stadiumin “Fadil Vokrri” janë dëfryer sonte me spektaklin e dhuruar në fushën e gjelbër.
FC Drita e ka deklasuar Inter Turkun me rezultat të pastër 3-0 dhe është kualifikuar në raundin e dytë të Europa Conference League.
Mjaftuan vetëm dy minuta – që vendasit të tregonin se kanë hyrë në këtë takim për fitore – sepse Marko Simonovski e tundi rrjetën.
Teksa, në rolin e asistuesit ishte Arbnor Muja.
Por, Muja nuk u mjaftua me kaq.
Ai shënoi dy gola – në minutatat 49 dhe 51 për të dëshmuar klasin e tij dhe për t’i dhuruar “intelektualëve” biletën për kualifikim tutje.
Në anën tjetër, Inter Turku “vuajti” gjatë tërë takimit dhe nuk arriti asesi të dhuronte diçka.
Drita do e mësojë kundërshtarin e rradhës – ditëve në vijim