Telenews

Dy u arrestuan por ky është personi i arratisur që po dyshohet për shtytje në vetëvrasjen e 37-vjeçarit

 

 

Një aksion i madh i Policisë së Kosovës në koordinim me Prokurorinë Themelore në Prishtinë rezultoi me arrestimin e dy personave të dyshuar për shtytje në vetëvrasjen e 37-vjeçarit nga Lipjani, Bashkim Salihut. Babë e bir kanë rënë në pranga, ndërsa cak i Policisë është edhe një person tjetër.

Sinjali ka mësuar ekskluzivisht se përveç dy të dyshuarve Skender dhe Albion Tasholli, babë e bir nga Lipjani që u kapën mbrëmë, pritet të arrestohet edhe i dyshuari tjetër.

LEXO EDHE:

Emrat e të arrestuarve për shtytje në vetëvrasjen e të riut nga Lipjani

Babai dhe vëllai i asamblistes së LDK-së në Lipjan – të arrestuar për vetëvrasjen e 37-vjeçarit

Burimet kanë bërë me dije se i dyshuari që ndodhet në arrati është Ekrem Gashi, rreth 47-vjeçar.

Në koordinim me Prokurorin e Shtetit nga Prokuroria Themelore në Prishtinë dhe me urdhër verbal të gjyqtarit, është bastirur mbrëmë edhe shtëpia e Gashit në Prishtinë.

Njësi të shumta policore kanë zbarkuar mbrëmë edhe në shtëpinë e familjes Tasholli në Gadime, ku janë sekuestruar disa dokumente, në cilësinë e provave materiale, thonë tutje të njëjtat burime.

Në bazë të informacioneve të para, arrestimi i të dyshuarve që janë cak i Policisë e Prokurorisë pritet të zbulojë detaje për vëtëvrasjen e Salihut, i cili dyshohet se i dha fund jetës nga problemet me fajdexhinj.

Sinjali do të iu mbajë të informuar me detaje të reja.

Të ngajshme

Lancaster: Aleatët të konsultohen për të avancuar statusin e Kosovës në NATO

Gërvalla bën ftesë për aplikim për diplomatë të rinj: Kosova dhe diplomacia ka nevojë për ju

Kush është Enver Sekiraqa i cilësuar si “gangsteri” i Prishtinës?