Reperja shqiptare Loredana ka reaguar ashpër në rrjete sociale, duke mohuar zërat se tekstet e disa prej këngëve të saj i janë drejtuar ish-partnerit, Mozzik.
Përmes një postimi në Instagram, ajo u shpreh qartë: “Për ta sqaruar njëherë e mirë: Nuk e kam pasur kurrë fjalën për Mozzik në ndonjë nga këngët e mia.”.
Loredana dhe Mozzik kanë qenë një nga çiftet më të përfolura të showbizit shqiptar, duke ndarë edhe një vajzë së bashku, Hanën. Edhe pas ndarjes, marrëdhënia e tyre ka qenë shpesh në qendër të vëmendjes, me fansa që interpretojnë tekstet e tyre si mesazhe të koduara ndaj njëri-tjetrit.
Me këtë deklaratë, Loredana ka tentuar të ndalë një herë e mirë aludimet që lidhen me të kaluarën e saj personale.
