E ardhmja e sulmuesit të Barcelonës, Robert Lewandowski, mbetet ende e paqartë, pasi lojtari nuk ka marrë një vendim përfundimtar për qëndrimin apo largimin nga klubi katalanas.
Sipas raportimeve, agjenti i tij, Pini Zahavi, pritet të udhëtojë drejt Italisë për të zhvilluar bisedime me Juventusin dhe Milanin, dy klube që po e ndjekin nga afër situatën e polakut.
Ndërkohë, Barcelona raportohet se është e gatshme të vazhdojë bashkëpunimin, por me kushte të reja financiare dhe rol më të kufizuar për sulmuesin.
Vendimi final i Lewandowskit pritet të merret në fund të sezonit, duke u bazuar si në aspektin sportiv, ashtu edhe në ofertat që do t’i paraqiten.