Java e 11-të e Raiffeisen Ligës së Parë të Kosovës ka sjellë rezultate interesante dhe fitore të rëndësishme në garën për objektivat sezonale.
Liria shënoi fitoren më të thellë të kësaj jave, duke e mposhtur Kikën me rezultat bindës 4-0. Fitore të rëndësishme regjistruan edhe Prishtina e Re, që triumfoi 3-1 ndaj Lepencit, si dhe Vjosa, e cila mposhti Mitrovicën me rezultat 3-0.
Rilindja 1974 fitoi në udhëtim ndaj Suharekës me rezultat 4-1, ndërsa Tefik Çanga triumfoi 3-1 kundër Besës së Pejës.
Në ndeshjet e tjera, Ferizaj mposhti Trepçën 2-0, Vëllaznimi fitoi 2-0 ndaj 2 Korrikut, Istogu triumfoi minimalisht 1-0 kundër Ramiz Sadikut, ndërsa Trepça ’89 e mbylli javën me fitore 1-0 ndaj Dinamos.
Rezultatet e javës së 11-të dëshmojnë konkurrencën në Ligën e Parë, ku çdo pikë ka rëndësi në vazhdim të kampionatit.