Një ngjarje e rëndë ka tronditur Vushtrrinë dhe më gjerë, pasi një i ri 22-vjeçar humbi jetën tragjikisht në një aksident trafiku të ndodhur mbrëmjen e së shtunës në rrugën nacionale Mitrovicë–Prishtinë.
Viktima është Drilon Meniqi, i cili po drejtonte motoçikletën në momentin e aksidentit fatal. Përplasja me një automjet rezultoi fatale për të riun, i cili nuk arriti t’u mbijetojë plagëve të rënda të marra.
Policia e Kosovës ka konfirmuar se njësitet e trafikut dhe hetuesit kanë dalë në vendin e ngjarjes për të hetuar shkaqet e aksidentit. Ndërkohë, me urdhër të prokurorit kompetent, trupi i pajetë i viktimës është dërguar në Institutin e Mjekësisë Ligjore për obduksion.
Rrethanat e plota të aksidentit mbeten ende të paqarta, teksa autoritetet po vazhdojnë hetimet për të zbardhur shkaqet që çuan në këtë humbje tragjike.