Një katastrofë u evitua në Karaibe, kur një katamaran me rreth 55 turistë u mbyt në Republikën Domenikane.
Pas një çarjeje të papritur, mjeti “Boca de Yuma I” filloi të fundoset me shpejtësi në Gjirin e Samanës, duke lënë pasagjerët të tmerruar.
Pamjet tregojnë dhjetëra turistë që notonin në det, duke mbajtur jelekë shpëtimi, ndërkohë që marina dhe shërbimet e emergjencës nisën menjëherë operacionin e shpëtimit.
Fatmirësisht, të gjithë turistët u nxorën nga uji pa lëndime. Autoritetet janë duke hetuar shkakun e incidentit, ndërsa dyshohet për një defekt teknik në katamaran.
Kompania TUI Cruises konfirmoi ngjarjen, duke siguruar se pasagjerët janë të sigurt dhe janë kthyer në anijen “Mein Schiff 1”.
“Siguria e pasagjerëve është prioriteti ynë,” tha zëdhënësja Sabine Lüke.