Policia e Kosovës ka konfiskuar dronët e disa mediave që po merrnin pamje ajrore gjatë marshit të mbajtur në Prishtinë, në mbështetje të ish-krerëve të Ushtrisë Çlirimtare të Kosovës.
Sipas raportimeve nga terreni, zyrtarët policorë kanë ndërhyrë ndaj ekipeve mediale dhe kanë marrë në posedim dronët që po përdoreshin për të xhiruar turmën e qytetarëve. Në mesin e mediave, droni i së cilës është konfiskuar, ishte edhe Telenews.
Marshi, i mbajtur tri ditë para shpalljes së verdiktit ndaj ish-krerëve të UÇK-së në Hagë, mblodhi mijëra qytetarë në qendër të Prishtinës.
Policia është referuar te rregullat që përcaktojnë përdorimin e dronëve gjatë tubimeve masive, duke theksuar çështjet e sigurisë dhe nevojën për autorizimet përkatëse për operimin e tyre.
Megjithatë, pamjet ajrore të marra nga dronët kanë qenë një nga mënyrat kryesore për të paraqitur përmasat e pjesëmarrjes së qytetarëve në marsh.