Edhe një Lamborghini prej 200,000 funtesh ishte “viktimë” e një përleshje masive në Birmingham të Anglisë

Një Lamborghini prej £200,000 — pra rreth €230,000 — është shkatërruar plotësisht pas një përleshjeje masive në Birmingham.

Ngjarja ndodhi në Summer Lane, pranë qendrës së qytetit, pak para orës 5 të mëngjesit të së shtunës.

Policia ka arrestuar tetë persona të moshës 19–24 vjeç, të dyshuar për dhunë të rëndë dhe plagosje, të cilët më pas janë liruar me kusht.

Por çfarë bie në sy është fakti se “viktima” të kësaj ishin edhe dy makina.

Ato mbetën të shkatërruara, dhe bëhet fjalë për një Lamborghini Urus dhe një Skoda me dëmtime të mëdha.

Hetimet vijojnë, ndërsa policia po shqyrton pamjet e CCTV-së dhe kërkon informacione nga dëshmitarët.