“Gjatë procedurës së mjekësisë, mjekoligjore është konstatuar vrima hyrëse në rajonin e djathtë muror të kokës, e shkaktuar nga veprimi dinamik i predhës së hedhur nga arma e zjarrit, e cila kishte drejtim nga djathtas majtas, nga përpara pjerrtas dhe pas, dhe nga poshtë pjerrtas lart. Është e rëndësishme të ceket se pjesë metalike të kësaj predhe është gjetur në anën e majtë murore të kokës, e cila është dorëzuar si provë sipas zinxhirit të ruajtjes së provave të policisë hetuese. Si rezultat i kësaj plage ka ardhur edhe gjakderdhja e brendshme dhe jashtme trurore, e cila është shkaku i vdekjes”, ka thënë Uka para trupit gjykues.
Seanca ka nisur me vonesë prej 45-minutash, pasi ishte paraparë të fillojë në ora 09:00.
Naim Murseli, Granit Plava dhe Kushtrim Kokalla u sollën të prangosur dhe nën masa të rrepta sigurie në gjykatë.