Me 13 vjet burgim është dënuar K.S. për sulm seksual dhe keqpërdorim seksual të personave nën 16 vjeç.
Departamenti për të Mitur në Gjykatën Themelore në Ferizaj e shpalli fajtori të pandehurin dhe për veprën penale në vazhdim sulmi seksual i shqiptoi 10 vjet burgim, kurse për keqpërdorim seksual 4 vjet. Me dënim unik iu shqiptua dënimi prej 13 vjet.
“I pandehuri K.S. akuzohet se në periudha të ndryshme kohore gjatë viteve 2012-2013 dhe 2018-2022 ka ushtruar veprime të ndaluara seksuale ndaj dy të miturave të moshës 12 dhe 14-vjeçare, nga i njëjti lokalitet, duke shfrytëzuar rrethana të ndryshme dhe moshën e tyre të mitur”, thuhet në komunikatën e gjykatës.