Artistja e njohur shqiptare, Filloreta Raçi-Fifi është një prej personazheve më të përfolura shqiptare në media rozë.
Fifi e cila prej vitesh ka ndërtuar një karrierë të suksesshme muzikore komentohet edhe për jetën e saj private dhe postimet e ndryshme në rrjete sociale.
Së fundi këngëtarja nga Ferizaj ka postuar disa imazhe të reja për fansat e saj në Instagram teksa pozon në një dyqan ushqimor.
Fifi shihet në veshje sportive ngjyrë gri që i kombinoi me një kapele dhe atlete sportive ndërsa shihet pa makijazh.
“Ne gjithmonë mund të fillojmë përsëri”, ka shkruar Fifi në mbishkrimin e imazheve që u pasuan nga komente të shumta nga ana e admiruesve të saj.
Ndryshe, kujtojmë që Fifi rreth një vit më parë u bë pjesë e Big Brother VIP dhe ishte ndër banoret që mori më së shumti vëmendjen.
Pas daljes nga shtëpia e famshme këngëtarja nisi një lidhje dashurie me Adi Patushin, me të cilin po jeton një histori të bukur dashurie. /Telegrafi/