Telenews

Fitore e rëndësishme për prizrenasit

Proton Cable Prizreni shënoi fitore shumë të rëndësishme ndaj Vëllaznimit me shifrat 80:70 (17:21, 19:16, 24:16, 20:17), në javën e 11-të të ProCredit Superligës.

Në çerekun e parë mysafirët për një nuancë ishin më të mirë, 17:21, derisa e kundërta ndodhi në atë të dytë, 19:16, për të shkuar në pushim me rezultat 36:37.

Dallimi vendimtar u bë në periudhën e tretë, ku prizrenasit ishin shumë më të mirë, 24:16, derisa në dhjetë minutat e fundit, të dy skuadrat luftuan deri në fund për fitore, duke dhënë maksimumin, pasi ishte sfidë shumë e rëndësishme, derisa Proton Cable Prizreni arriti të triumfojë me dhjetë pikë dallim, 80:70.

Më të mirët te vendasit ishin Lenzelle Smith me 25 pikë, dhjetë kërcime e tetë asistime dhe Darryl Jordan me 19 pikë e shtatë kërcime, kurse te mysafirët u dalluan Trey Anderson me 16 pikë e 12 kërcime dhe Michael Nuga me 15 pikë, pesë kërcime e gjashtë asistime.

Proton Cable Prizreni ka tri fitore e tetë humbje, ndërsa Vëllaznimi katër fitore e shtatë humbje.

Të ngajshme

Kosova kualifikohet në Play-off të Kampionatit Evropian për Esports pas fitores ndaj Danimarkës

KushtrimGuraj

Alonso do të mbajë takim urgjent me dy lojtarë të Real Madridit pas poshtërimit nga PSG

KushtrimGuraj

Fisnik Asllani rinovon me Hoffenheim deri në vitin 2029 – zyrtarizimi në fund të javës

KushtrimGuraj