Këngëtarja e njohur shqiptare, Flaka Krelani, është duke e shijuar tashmë prej vitesh jetën e saj të re në Shtetet e Bashkuara.
Ajo i ka të shpeshta paraqitjet e saj në rrjetin social Instagram, duke ndarë me ndjekësit fotografi dhe video të ndryshme nga aktivitetet e saj atje.
Jo të pakta janë rastet kur rock-artistja nga Gjakova publikon imazhe me përmbajtje provokuese, duke vënë në pah sensualitetin e saj.
Një gjë të tillë, Flaka e ka bërë në fotografitë e fundit që ka ndarë me fansat e saj në Instagram, ku ka pozuar me rastin e Ditës së Falënderimeve.
Ajo është shfaqur mjaft provokuese në një paraqitje me fund të shkurtër argjendi me shkëlqim dhe reçipeta të të njëjtit material.
Interpretuesja e hitit “Rebelohem” u kujdes që të vë në pah gjoksin e saj falë dekoltesë së hapur, ndërsa një detaj tjetër që mori vëmendjen ishin aksesorët e saj.
Flokët e kuqe kombinuar me vathët në formë kryqi i dhanë edhe më tepër shkëlqim dukjes së saj.
“Dita e Falënderimeve”, shkroi në mbishkrimin e imazheve këngëtarja e larguar tashmë prej vitesh nga Kosova. /Telegrafi/
