Gjatë ditës së sotme është gjetur një predhë artilerie në rrugën “Skënderbeu” në Shtime, e cila dyshohet të jetë nga Lufta e Dytë Botërore.
Lajmin për Dukagjinin e ka konfirmuar zëdhënësi i Policisë për Rajonin e Ferizajt, Kanun Veseli.
Ai ka thënë se pas njoftimit, Policia ka siguruar vendin e ngjarjes, ndërsa mjeti shpërthyes është larguar nga FSK-ja.
“Më datën 11.04.2024, rreth orës 11:30, kemi pranuar një informatë se afër rezervuarit të ujit në rrugën ‘Skënderbeu’ në Shtime ishte një mjet i dyshuar, predhë artilerie, e cila dyshohet të jetë nga Lufta e Dyte Botërore. Patrulla e policisë ka siguruar vendin e ngjarjes dhe janë njoftuar njësia përkatëse e FSK-së”, ka thënë Veseli.
Veseli ka shtuar se kjo predhë është larguar nga FSK-ja në orën 18:06.