Kandidati për kryetar të Fushë Kosovës nga radhët e LDK-së, Besnik Osmani ka deklaruar se përkrahja për të sa po shkon e po rritet në këtë komunë.
Në “Edicionin Special” të Klan Kosovës, Osmani tha se kjo përkrahje vjen po ashtu nga marrëveshja e arritur mes LDK-së me PDK-në, Nismën dhe LE-në për raundin e dytë të zgjedhjeve lokale.
“Çdo ditë e më tepër po rritet përkrahja për mua si kandidat, e në mënyrë të veçantë pas marrëveshjes që kemi me Partinë Demokratike të Kosovës, me Nismën dhe me Liberalët Egjiptian. Jemi bërë bashkë si koalicion i madh i qytetarëve që këtë proces ta përmbyllim ditën e diel”, tha Osmani.
Tutje, Osmani foli rreth projekteve madhore që ai planifikon t’i përmbush nëse arrin të bëhet kryetar i Fushë Kosovës.