Gjendja shëndetësore e foshnjës siriane që lindi nën rrënoja

Një vajzë e lindur nën rrënojat e shtëpisë së familjes së saj në veri të Sirisë pas tërmetit shkatërrues të javës së kaluar ishte në gjendje të mirë shëndetësore të hënën dhe po ushqehej me gji nga gruaja e drejtorit të spitalit ku po kujdeset, tha mjeku i saj.

Foshnja, e quajtur Aya – arabisht  “një shenjë nga Zoti” – nga punonjësit e spitalit, mund të jetë në gjendje të largohet nga spitali sa më shpejt të martën ose të mërkurën, sipas xhaxhait të saj, Saleh al-Badran. Ai tha se tezja nga babai i foshnjës, e cila së fundmi lindi dhe i mbijetoi tërmetit, do ta rrisë atë.

Nëna e të porsalindurit vdiq pasi e lindi atë si pasojë e tërmetit 7.8 ballë që goditi Turqinë dhe Sirinë. Në tërmet u vranë edhe babai i saj dhe katër vëllezërit e motrat. Dr. Hani Maarouf, një pediatër në Spitalin Cihan në qytetin verior të Sirisë, Afrin, i tha Associated Press se gruaja e drejtorit të spitalit e ka ushqyer me gji vajzën. /Telenews.al/