Reperi Gjesti duket se nuk e ka ndërprerë komunikimin me Eglin, pavarësisht izolimit në “shpellë” së bashku me tre banorët e tjerë të dënuar: Rozanën, G Banin dhe Klajdin.
Së fundmi, ai ka përdorur një copë letër për t’i dërguar një mesazh partneres së tij brenda shtëpisë së BBVA. Në shënimin e tij, Gjesti ka shkruar ndër të tjera: “Zhduku dhe T.H.P.” – një mesazh që ka ngjallur reagime të shumta në rrjetet sociale.
Fansat kanë filluar të aludojnë për kuptimin e tri inicialeve të fundit, duke spekuluar se ato mund të jenë një shprehje me përmbajtje erotike apo gjuhë vulgare e rrugës.
Ky detaj ka ndezur debat në seksionin e komenteve, me ndjekësit e reality show-t që ndajnë opinione të ndryshme mbi natyrën e mesazhit dhe mënyrën e komunikimit të reperit me Eglin.
Ndërkohë, pjesa tjetër e banorëve, përfshirë edhe Eglin, vijojnë dinamikat e tyre brenda ambienteve të zakonshme të shtëpisë së BBVA, të pashqetësuar nga zhvillimet në zonën e izoluar.
Mbetet për t’u parë nëse produksioni do të ndërhyjë lidhur me këto metoda alternative komunikimi apo nëse Egli do të reagojë ndaj këtij mesazhi të koduar.