Napoli po e shqyrton seriozisht mundësinë e transferimit të Federico Chiesas nga Liverpooli, sipas raportimeve nga Italia, pasi sulmuesi italian nuk është më pjesë e planeve të kampionëve të Ligës Premier.
Sipas Corriere dello Sport, Napoli ishte në dilemë mes afrimit të një sulmuesi të krahut ose një mbrojtësi të majtë, por pas humbjes së mundësisë për të transferuar Dan Ndoyen te Nottingham Forest, klubi napolitan e zhvendosi vëmendjen te mbrojtësi i Gironas, Miguel Gutierrez.
Megjithatë, marrëveshja për Gutierrezin thuhet se është pezulluar, çka ka bërë që drejtuesit e klubit t’i kthehen pistës përforcuese në repartin ofensivë dhe të analizojnë mundësinë e transferimit të Chiesas.