Grand Blue Fafa ka prezantuar ofertën speciale për muajin qershor, duke ftuar pushuesit të nisin sezonin veror me një paketë të plotë All Inclusive. Oferta përfshin 5 netë dhe 6 ditë qëndrim për 449 euro për person, duke garantuar relaks, argëtim dhe komoditet pranë bregdetit.
Paketa përfshin mëngjesin, drekën, snack-et dhe darkën, si dhe pije alkoolike dhe joalkoolike gjatë qëndrimit. Vizitorët do të kenë në dispozicion plazhin privat, pishinat, aquaparkun për të gjitha moshat, si dhe qendrën spa me pishinë të brendshme.
Për familjet me fëmijë, hoteli ofron aktivitete argëtuese, animacion të dedikuar, miniklub për më të vegjlit, ndërsa të rriturit mund të shfrytëzojnë palestrën, internetin Wi-Fi dhe parkingun falas.
Me këtë ofertë sezonale, Grand Blue Fafa synon t’u ofrojë mysafirëve një përvojë të plotë pushimi, ku relaksi dhe argëtimi kombinohen për të krijuar kujtime të paharrueshme gjatë ditëve të para të verës. Rezervimet për ofertën e qershorit tashmë janë të hapura.