Ish-emisari amerikan për dialogun Kosovë-Serbi, Richard Grenell ka reaguar lidhur me tensionet në veri të Kosovës, duke ia lënë fajin për këtë kryeministrit Albin Kurti. Ai ka kërkuar edhe kthimin e Hashim Thaçit në pushtet.
Grenell përmes disa reagimeve të bëra në rrjetin social Twitter, ka folur për vendimin e Kurtit që të ketë reciprocitet në lidhje me dokumentet serbe.
Grenell konsideron se Kurti po e përdor këtë që t’i rritë votat e tij.
Ai po ashtu ka bërë thirrje për lirimin e Hashim Thaçit, duke shtuar se Kurti është problemi.
“Një tjetër katastrofë e Blinken. Edhe shqiptarët e dijnë se Kurti është problemi. Kthejeni Thaçin”, ka thënë ai.