Në kohën kur sanksionet për Rusinë po vijnë nga të gjitha anët, të heshtur nuk kanë qëndruar as grupi legjendar i muzikës Rock n’ Roll, Pink Floyd.
Muzika e Pink Floyd nga viti 1987 dhe të gjitha regjistrimet solo të David Gilmour janë pamundësuar të dëgjohen nga sot në Bjellorusi e Rusi, ka njoftuar grupi në Tëitter.
“Për të qëndruar me botën në dënimin e fuqishëm të pushtimit rus të Ukrainës, veprat e Pink Floyd, nga viti 1987 e tutje, dhe të gjitha regjistrimet solo të David Gilmour po hiqen nga të gjithë ofruesit e muzikës dixhitale në Rusi dhe Bjellorusi që sot”, thuhet në njoftimin e Pink Floyd.
Ky vendim vjen në vazhdën e sanksioneve kulturore, ekonomike, sportive e politike ndaj Rusisë prej fillimit të luftës në Ukrainë, dy javë më parë.
To stand with the world in strongly condemning Russia's invasion of Ukraine, the works of Pink Floyd, from 1987 onwards, and all of David Gilmour's solo recordings are being removed from all digital music providers in Russia and Belarus from today. pic.twitter.com/lTV7T3y29u
— Pink Floyd (@pinkfloyd) March 11, 2022