Kryetari i Partisë Demokratike të Kosovës, Bedri Hamza, ka thënë se kryeministri në detyrë, Albin Kurti, po shihet se tashmë është në panik.
Derisa shton se administrata dhe institucionet nuk mund të ndahet sipas bindjeve politike.
“[Sipas Kurtit] ende ka në administratë njerëz të PDK-së, në drejtësi dhe në institucione të tjera, madje edhe në media. Kjo tregon se njerëzit kanë të drejtë të ruajnë bindjet e tyre politike dhe të votojnë sipas tyre… Kurrë në karrierën time nuk ka lëvizur askush prej pozitës për shkak të bindjeve politike”, tha ai.
Hamza u shpreh gjithashtu se mënyra e vendimmarrjes së tij është e konsultuar dhe analizuese.