Policia e Kosovës ka njoftuar se dje ka arrestuar një shtetas të Italisë, i cili dyshohet se ka kaluar ilegalisht kufirin nga Maqedonia e Veriut në territorin e Kosovës.
Sipas raportit të policisë, ngjarja ka ndodhur në orën 15:05 në zonën e Hanit të Elezit. Pas arrestimit dhe intervistimit, me vendim të prokurorit kompetent, i dyshuari është dërguar në mbajtje, raporton Telenews.al.
“Është arrestuar i dyshuari mashkull shtetas i Italisë, pasi që i njëjti ka kaluar ilegalisht kufirin nga Maqedonia e Veriut në Kosovë. Pas intervistimit, me vendim të prokurorit i dyshuari është dërguar në mbajtje.”
Institucionet përgjegjëse po vazhdojnë me veprimet e mëtejme ligjore lidhur me rastin./Telenews.al./