Ministrja e Drejtësisë, Albulena Haxhiu, ka kërkuara nga opozita të mos thotë të pavërteta lidhur me gjendjen e institucioneve në veri.
Ajo iu drejtua shefit të grupit parlamentar të PDK-së, Abelard Tahiri, duke e pyetur nëse është i gatshëm të japë dorëheqje nëse ajo që ka thënë se në veri nuk ka gjyqtarë dhe prokurorë, është e pavërtetë.
“Mos i keqinformoni qytetarët e Kosovës. Me dalë Abelard Tahiri dhe Arben Gashi të thonë që s’ka prokurorë dhe gjyqtarë në veriun e vendit tonë, shumë pak është me thënë keqinformim. I nderuar Tahiri, a je në gjendje me dhënë dorëheqje nëse ajo çka ke thënë është e pavërtetë. Tash jam e gatshme që bashkë me ty dhe Arbenin me shku në Prokurori në veri dhe në Gjykatë në Mitrovicë, aty janë prokurorët dhe gjyqtarët. Mos shpifni, mos manipuloni”, tha Haxhiu.