Ambasadori i Shteteve të Bashkuara të Amerikës, në Kosovë, Jeffrey Hovenier, ka bërë sot homazhe te varri i heroit Afrim Bunjaku, në njëvjetorin e vrasjes së tij nga terroristët serbë në Banjskë të Zveçanit.
Hovenier ka thënë se Shtetet e Bashkuara të Amerikës përsërisin thirrjen që autorët dhe personat e përfshirë në këtë “krim të tmerrshëm” të mbahen plotësisht përgjegjës. Hovenier tha se kjo është pritshmëria e tyre.
Përmes një postimi në rrjetin social “X”, Hovenier, ka shpërndarë pamje nga homazhet.
“Sot u bashkova me Qeverinë e Kosovës dhe kolegët diplomatikë për të nderuar kujtimin e policit të Kosovës, Afrim Bunjaku, i cili u vra në krye të detyrës gjatë sulmit në Banjskë, sot një vit më parë. Shtetet e Bashkuara përsërisin thirrjen e tyre, dhe është pritshmëria jonë, që autorët dhe të gjithë ata që u përfshinë në atë krim të tmerrshëm të mbahen plotësisht përgjegjës”, ka shkruar Hovenier në “X”.
Today I joined with Government of Kosovo and diplomatic colleagues to honor the memory of Kosovo Police Officer Afrim Bunjaku, who was killed in the line of duty during the Banjska attack, one year ago today. The United States reiterates its call, and it is our expectation, that… pic.twitter.com/sELzc14XOg
— Ambassador Jeff Hovenier (@USAmbKosovo) September 24, 2024