Gjashtë muaj pasi u dhunua në Tiranë, humb jetën 22-vjeçarja Joy Ayoko nga Kenia. Ajo vdiq në shtetin e saj të lindjes, pak javë pasi u largua nga Spitali Ushtarak në Tiranë, për mjekim të specializuar në Kenia.
E reja u dhunua barbarisht në 14 gusht në Tiranë. Ngjarja vijon të mbulohet nga misteri, pasi për dhunimin e të resë nuk ka ende autor, transmeton Telenews.al.
Lajmin për vdekjen e 22-vjeçares e ka konfirmuar nëna e Joyt, Ruth e cila e largoi të bijën mëngjesin e 25 janarit drejt Kenias për trajtim mjekësor më të specializuar me shpresën se gjendja e saj do të përmirësohej.
Ajo u gjet e dhunuar barbarisht mëngjesin e 14 gushtit nga shoqja e saj Emili në hyrje të pallatit ku banonin në rrugën “Pandeli Evangjeli”, e cila më pas ka lajmëruar policinë.
E ëma e Joyt tha se nuk i besonte versionit të policisë e cila raportoi se ajo ka tentuar të vetëvritet, duke pretenduar se kjo ngjarje është fshehur dhe nuk është zbardhur qëllimisht.
Ndërkohë, policia reagoi pasi lajmi u bë publik në media duke e lënë ngjarjen nën mister pasi tha se është ngritur një hetim, por pa treguar se ndaj kujt dhe për çfarë. /Telenews.al/
