Mbrëmë, papritmas ka ndërruar jetë në moshën 54 vjeçare, specialisti i kirurgjisë së përgjithshme-endoskopisti, Halil Tanaj.
I ndjeri ishte i punësuar në Qendrën Klinike Universitare të Kosovës prej vitesh, derisa dje ndërroi jetë tragjikisht pas një kontakti me energji elektrike në banesën e tij, transmeton Telenews.al
Para pak minutash ju është dhënë edhe lamtumira e fundit në varrezat e qytetit në Kastriot (Obiliq), nga një numër i madh i qytetarëve, përfshirë familjarë, kolegë, miq e dashamirë.
Lidhur me vdekjen e doktorit Tanaj, reagoi edhe Ministri i Shëndetësisë Arben Vitia i cili tha se Dr. Halil Tanaj ishte profesionist, humanist dhe kirurg i shquar në Qendrën Klinike dhe Universitare të Kosovës. /Telenews.al/
