Jasir Asani është larguar nga Shqipëria, ku po kalonte ditët e pushimit. 30-vjeçari është rikthyer në Iran, ku së fundmi klubi Esteghlal ka postuar foto të shqiptarit nga stërvitja.
Kështu, ish-sulmuesi i Partizanit rikthehet me ngjyrat “blu” të klubit iranian, duke u stërvitur pas pauzës për shkak të trazirave në Lindjen e Mesme. Kujtojmë se Asani kaloi shumë kohë në Tiranë, madje u stërvit edhe me Partizanin.
Ndërsa e ardhmja e tij mbetet në “ajër”, me vetë sulmuesin e Kombëtares shqiptare që pak kohë më parë tha se mund të transferohej te Getafe në LaLiga spanjolle. Mirëpo, deri më tani s’ka asnjë lëvizje.