Deputeti i vetëm shqiptar në Parlamentin e Serbisë, Shaip Kamberi, ka mbajtur takime në Parlamentin Evropian (PE) dhe Këshill të Evropës (KiE).
Në këto takime është diskutuar për diskriminimin e vazhdueshëm të shqiptarëve, veçanërisht në Preshevë.
“Kërkuam përmbushjen e të drejtave themelore të shqiptarëve në Luginë, duke përfshirë integrimin e tyre në shoqëri dhe në strukturat indtitucionale e publike”, ka shkruar Kamberi.
Ai ka bërë të ditur se kanë insistuar në implementimin e marrëveshjeve të cilat sipas tij, i ka nënshkruar Beogradi me përfaqësuesit instituciinal e politik të Luginës së Preshevës dhe vendosjen e simetrisë për të garantuar të drejtat e shqiptarëve.
“Faleminderit për përkrahjen e Qeverisë së Republikës së Kosovës, Këshillit Kombëtar Shqiptarë sikurse edhe Flora Ferati-Sachsenmaierdhe të gjithë të përfshirët në këtë nismë të rëndësishme”, ka shkruar tutje deputeti i vetëm shqiptar në Parlamentin e Serbisë.
Në fund ai është shprehur se janë bashkë për drejtësi dhe barazi për të gjithë.