Imazhet e studentëve që mbajnë të ashtuquajturat ‘kapele kundër kopjimit’ gjatë provimeve të kolegjit janë bërë virale në mediat sociale në Filipine dhe më gjerë.
Studentëve në një kolegj në Legazpi City iu kërkua të mbanin në kokë diçka që do t’i pengonte ata të shikonin fletët e provimit të të tjerëve.
Shumicën e kapeleve nxënësit e krijuan me materiale të ricikluara.
Mësuesja e tyre tha BBC-së se ajo kishte kërkuar të arrinte integritetin dhe ndershmërinë tek nxënësit, por në mënyrë argëtuese. Pa kërcënimin e marrjes së tezës, uljes së notës e të tilla metoda.
Mary Joy Mandane-Ortiz, një profesoreshë e inxhinierisë mekanike në Kolegjin e Inxhinierisë Universitare Bicol, tha se ideja kishte qenë vërtet efektive. Ajo tregoi se ishte frymëzuar nga një teknikë e përdorur në Tajlandë disa vite më parë.
Kjo mënyrë u përdor nga shumë profesorë të tjerë.
Mandane-Ortiz tha se studentët e saj dolën më mirë këtë vit, pasi ishin të motivuar nga kushtet e rrepta të provimit për të studiuar më shumë.
Shumë prej tyre i përfunduan testet e tyre herët, shtoi ajo – dhe askush nuk u kap duke kopjuar këtë vit.