Klubi basketbollistik Trepça e ka shkarkuar trajnerin Lubomir Minqev.
Mitrovicasit kanë njoftuar përmes faqes së tyre zyrtare për vendimin që e kanë marrë.
“Pas një bashkëpunimi të gjatë dhe shembullor, kemi vendosur të ndajmë rrugët me trajnerin Lubomir Minchev. Vendimi u mor me marrëveshje të dyanshme”, thuhet në njoftimin e Trepçës.
“Me Minchevin kemi arritur të gjitha finalet e mundshme dhe kemi fituar Kupën e Kosovës dhe Superkupën Mbarëkombëtare. Por pas mini-krizës në rezultate, kemi vendosur të ndajmë rrugët”.