Kryetari i Lidhjes Demokratike të Kosovës, Lumir Abdixhiku ka paralajmëruar për një zhvillim të ri politik.
Ai ka thënë se së shpejti do të nis një bashkim i madh politik rreth një projekti të përbashkët, pa dhënë më shumë detaje, raporton Zeri.info.
“Prandaj, do të nis bashkimin e madh politik e qytetar rreth një projekti të përbashkët. Një projekti që tejkalon secilin prej nesh. Që tejkalon dallimet e vogla, ambiciet e mëdha dhe hidhërimet e së shkuarës. Ato në kohë krizash e përballë fateve të mëdha të së ardhmes, bëhen krejtësisht të parëndësishme”, theksoi kreu i LDK-së.
Ai më tej tha se në kohën e zhvillimeve të fundit, Kosovës i duhet një frymë e re që e zhvillon vendin dhe e ankoron me Perëndimin.