Meriton Korenica, po vazhdon me paraqitje të mira në Rumani, ku ka shënuar golin e vetëm për Cluj në barazimin si mysafir ndaj Poli Iasit me rezultat 1-1.
Ndeshja Poli Iasi – Cluj i takoi javës së 27-të të Superligës së Rumanisë, ku debutimin e bëri edhe Lindon Emërllahu.
Korenica shënoi golin e epërsisë në minutën e pestë, duke u futur në mes të mbrojtësve për të shënuar me kokë për 1-0.
Për 28-vjeçarin ishte goli i pestë në Superligën rumune, ku ka edhe katër asistime.
SofaScore e ka vlerësuar si lojtarin më të mirë në fushë, duke e notuar me notën 8.0.
Emërllahu u fut në lojë në minutën e 79-të, ku për më shumë se 15 minuta la përshtypje të mirë duke u vlerësuar me notën 7.0.
Cluj pas këtij barazimi, mbetet në vendin e dytë me 47 pikë.