Ballkani ka shënuar fitore ndaj Prishtinës me rikthim prej 2-1 në ndeshjen e fundit të Superligës së Kosovës.
Prishtina e nisi më mirë ndeshjen duke rrezikuar më shumë, në këtë ndeshje pa objektiva për të dy skuadrat, por që kishin vendosur të luanin me formacionet më të mira.
Hasan Hyseni arriti që të shënojë për Prishtinën për 1-0, rezultat me të cilin u mbyll pjesa e parë.
Me të filluar pjesa e dytë, Ballkan arriti të barazojë me golin e shënuar nga Edvin Kuç.
Në mesin e pjesës së dytë, vendasit fituan penallti që në gol e ktheu, Armend Thaqi.
Kuç dhe Thaqi zhvilluan ndeshjen e fundit me fanellën e Ballkanit, pasi do të largohen nga Kosova për ta vazhduar karrierën në Azerbajxhan dhe Rumani.
Deri në fund nuk kishte më gola dhe Ballkani mori tri pikët e radhës dhe me 78 pikë e mbyll kampionatin.