Drita ka arritur të shënojë fitore të madhe në Prishtinë, duke e mposhtur me rezultat 3:0 ekipin finlandez, Inter Turkun.
Kjo fitore e dërgon ekipin gjilanas në raundin e dytë kualifikues të Conference Leagues.
Ende pa u rehatuar si duhet tifozët në “Fadil Vokrri”, Drita arriti të kalonte në epërsi dhe të barazonte rezultatin e përgjithshëm në 1:1.
Ishte Simonovski i cili realizoi në minutën e dytë të ndeshjesm shkruan Gazeta Express.
Më pas, Arbnor Muja shënoi dy gola të shpejtë, në minutat 49 dhe 51 për epilogun e këtij takimi.
Por, në raundin tjetër, “Intelektualët” do të kenë punë tejet të vështirë.
Aty, Drita do të përballet me ekipin e njohur belg, Royal Antwerp.
Antwerp është i kualifikuar direkt në raundin e dytë të kualifikimeve për Conference League.