Nënsekretarja për Diplomaci Publike, Liz Allen është takuar sot në Prishtinë, me kryeministrin e Kosovës, Albin Kurti.
Ata diskutuan marrëdhëniet dypalëshe SHBA-Kosovë, duke përfshirë angazhimin tonë të përbashkët për forcimin e sigurisë, prosperitetit dhe demokracisë multietnike të Kosovës.
Nënsekretarja nënvizoi mbështetjen e vazhdueshme të fortë të Shteteve të Bashkuara për përpjekjet e Dialogut të lehtësuar nga BE-ja për të arritur një marrëveshje gjithëpërfshirëse të normalizimit me Serbinë.
Nënsekretarja ndau vëzhgimet e saj nga koha e saj në Kosovë, duke përfshirë ndërveprimin e saj me të rinjtë dinamikë, dhe bëri thirrje për rritje të koordinimit ndërmjet qeverive tona për të mbështetur përparimin e Kosovës në rrugën e saj euroatlantike.
Teksa për takimin ka shkruar edhe kryeministri duke thënë se e kanë mirëpritur vizitën e parë të nënsekretares në Kosovë.
“Shtetet e Bashkuara të Amerikës janë aleatja, mikja dhe partnerja jonë historike, aktuale dhe e së ardhmes. Fuqizimi dhe thellimi i bashkëpunimit bilateral, veçanërisht në fushën e ekonomisë dhe tregtisë, është prioritet i ynë,” ka shkruar kryeministri.
Duke shtuar se kanë biseduar e shkëmbyer pikëpamjet për shumë tema me interes të përbashkët.