Familjarë dhe aktivistë të Lëvizjes Vetëvendosje, me rastin e 16-vjetorit të rënies, kanë përkujtuar sot Arben Xheladinin dhe Mon Balajn, të vrarë në protestën e 10 shkurtit të vitit 2007.
Me këtë rast janë bërë homazhe në vendin e rënies në sheshin “Nëna Terezë”, ku për nder të tyre është ngritur një pllakë përkujtimore.
Kryeministri i Kosovës, Albin Kurti dhe zëvendësi i tij, Besnik Bislimi, kanë vendosur kurora me lule pranë pllakës përkujtimore, me ç’rast kërkuan drejtësi për vrasjen e tyre. /Telenews.al/