Ka rrezik për një konflikt mes Kosovës dhe Serbisë, ka vlerësuar kryeministri i Kosovës, Albin Kurti, gjatë një interviste për gazetën italine “La Republica”.
Kjo pasi, sipas kryeministri të Kosovës Serbia e ka mbështetjen e Rusisë, “pas Serbisë është Putini”, ka theksuar kreu i ekzekutivit kosovar.
Por Kurti e vlerëson faktin që NATO ka një kontingjent për sigurinë e Kosovës, pasi sipas tij, pa këtë prani të aleancës veri-atlantike rreziku do ishte tejet më i lartë.
“Rrezikojmë luftë. Pas Serbisë është Putini. Nuk do të thosha se rreziku është shumë i madh, sepse ne kemi edhe një kontingjent të NATO-s këtu, por sigurisht që është i lartë. Ne jemi një demokraci që kemi një autokraci në kufij”, ka thënë Kurti.
Më 31 korrik, në Veriun e Kosovës ka pasur tensione, pak orë para që të hynte në fuqi reciprociteti për dokumente.
Por vendimi qeveritar ishte shtyrë me kërkesë të ambasadës së SHBA-ve në Kosovë.