Telenews

KURTI: VUÇIQ DHE DODIK PO RREZIKOJNË PAQEN NË BALLKANIN PERËNDIMOR

Ai përmes një postimi në Facebook, ku Vuçiqin e quan “Putin të vogël”, tha se paqja dhe siguria në Ballkanin Perëndimor kurrë nuk ka qenë më e kërcënuar.
“Në këtë kohë kur e gjithë bota demokratike është distancuar nga Putini, fqinji ynë verior organizon tubime mbështetëse për Putinin duke i thurur lavde e duke arsyetuar krimet e tij në Ukrainë. Miqtë e tij në Serbi e Republika Srpska synojnë ta joshin Rusinë në Ballkan e për Ballkan. Në Ballkanin Perëndimor, Serbia mbetet vendi i vetëm në Evropë i cili refuzon të sanksionojë Rusinë e siç e pamë këto ditë, madje është edhe e gatshme të braktisë procesin e integrimit në BE vetëm për t’i qëndruar besnik Putinit. Me mikun e Putinit në Republika Srpska të Bosnje Hercegovinës dhe Putinin e vogël të Serbisë, paqja dhe siguria në Ballkanin Perëndimor kurrë s’ka qenë më e kërcënuar”, shkroi Kurti.
I pari i Qeverisë potencoi se ata që besojnë se Beogradi po armatoset nga veri-lindja, nuk duhet marrë seriozisht “sepse e ka për konsum të brendshëm e për fushatë elektorale”, në rastin më të mirë janë naiv.
“Ata që besojnë se atë çfarë thotë Beogradi, që vazhdimisht armatoset nga lindja e veri-lindja, nuk duhet ta marrim seriozisht sepse e ka për konsum të brendshëm e për fushatë elektorale, në rastin më të mirë janë naivë. Kështu thoshin edhe për Putinin. Ja që përfundoi fushata elektorale dhe i fitoi zgjedhjet partia-shtet por sanksionet ndaj Rusisë nuk i vendosi. Mund të duket mbivlerësim kur thuhet që në Ukrainë po përcaktohet e ardhmja e botës, por mbase është nënvlerësim nëse thuhet vetëm që aty po mbrohet Evropa dhe demokracia. Fashizmi nuk është i rezervuar për Gjermaninë e Italinë ndërmjet dy luftërave botërore apo Kilin e Pinoçetit para gjysmë shekulli. Secili komb a shtet mund të përfundojë në fashizëm”, ka shkruar Kurti.

Të ngajshme

Dy mungesa të mëdha për Guardiolan kundër Arsenalit

Donat Hashani

Përfundon marrja në pyetje e ambasadorit Berishaj në Prokurorinë Speciale, deklarohet avokati Gashi

Donat Hashani

IKShPK: Regjistrohen 8 raste të Kollës së mirë në Kosovë

Hafize Elshani