Telenews

LDK kritikon qeverisjen e VV-së në Gjilan për një mural rreth Gruas

Sociologia dhe zëdhënësja e LDK-së, Sibel Halimi e ka kritikuar muralin e vendosur për gruan në Gjilan, komunë që udhëhiqet prej Alban Hysenit të VV-së.

Ajo ka thënë se murali i prezantuar si “Forca e Gruas” nuk ka të bëjë fare me fuqizimin e grave, por me robërimin e tyre.

Postimi i plotë i saj në Facebook:

Murali dhe mbishkrimi patriarkal i kryetarit të Gjilanit!

Murali i prezantuar si “Forca e Gruas” nuk ka të bëjë fare me fuqizimin e grave, por me robërimin e tyre.

Mural në hapësirë publike, pa fuqi figurative, ajo na shfaqet si besimtare e verbër dhe pa asnjë qëllim jetësor pos familjes.

Gabimi tjetër i pafalshëm, është kur kryetari i Gjilanit, Alban Hyseni përpiqet që këtë model të gruas së prezantuar ta paraqesë me një status në Facebook, si pamje të barazisë gjinore, fuqizim të grave dhe politikave më miqësore për familjen!?
Ky është version tipik patriarkal i konceptimit të forcës së gruas, që ka veç një qëllim në jetë: rritjen e fëmijëve!
Një shembull se si koncepti i familjes vihet në shërbim të pushtetit politik patriarkal.

Shtrohet çështja, si mund të reflektojë një vajzë e re derisa vështron muralin. Lidhja e verbër me botën patriarkale dhe me mbajtje fëmijësh, pa vizion për lirinë, pra pa të ardhme.

Të ngajshme

Arrestohet një person i kërkuar me urdhëresë të Gjykatës

Rrezarta Ramaj

UNICEF alarmon për ushqyerjen e fëmijëve në Kosovë: 57% konsumojnë ushqime jo të shëndetshme, mungojnë mensat në shkolla

Rrezarta Ramaj

Lufta e miliona eurove: Kush paguhet më së shumti në Premier League dhe në La Liga?

Rrezarta Ramaj
Lajmet po ngarkohen…